Sədr: “Pensiya sistemi üzərindən sığorta prinsiplərinə əsaslanmayan qeyd olunan dövlət öhdəliklərinin maliyyə yükü hazırda 1,3 milyard manatdan çoxdur”.
Simsar.az xəbər verir ki, bunu “Azərbaycanda pensiya islahatları: yeni inkişaf mərhələsinin əsas hədəfləri” mövzusunda media nümayəndələri və ekspertlər ilə görüşdə DSMF-nin sədri Elman Mehdiyev bildirib. Onun sözlərinə görə, 2014-cü ildə dövlət büdcəsinin transfertinin həcmi 1,14 milyard manat nəzərdə tutulub: “Deməli, bu xərcləri maliyyələşdirilməsinə hər il büdcə transfertlərindən əlavə olaraq sosial sığorta vasitələri də yönəldilir. Lakin nəzərə alınmalıdır ki, qeyd olunan xərclərin maliyyələşdirilməsinə yönəldilən sosial sığorta vəsaitlərinin ayrı-ayrı sığortaolunanların fərdi hesablarında şərti pensiya kapitalları kimi qeydə alınması, gələcəkdə təyin ediləcək pensiya məbləğləri üzrə sistemin maliyyə öhdəliyini də formalaşdırır". DSMF sədrinin sözlərinə görə, göstərilənlərlə əlaqədar, sığorta-pensiya sisteminin uzunmüddətli inkişaf dövrü üçün maliyyə dayanıqlığının daha da möhkəmləndirliməsi və bu sahədə səmərəliliyin artırılması bölüşdürücü funksiya daşıyan şərti yığım sitemi çərçivəsində dövlətin öhdəlikləri ilə sığorta-pensiya sisteminin öhdəliklərinin fərqləndirilməsi zərurətə çevrilib.
Hüseyn İbadlı