“Azərbaycanda müvafiq islahatlar aparılmasa xalqın səhiyyə, elm və təhsil sahəsindəki problemləri həll olunmayacaq”.
Simsar.az-ın məlumatına görə, bunu Demokratik İslahatlar Partiyasının (DİP) sədri Asim Mollazadə 2015-ci ilin dövlət büdcəsi zərfinə münasibət bildirərkən deyib.
A.Mollazadə bildirib ki, məktəbəqədər təhsildən başlamaqla orta, peşə və ali təhsilin inkişafına nail olmalıyıq: “Bunun üçün müvafiq qanunlar qəbul edilməlidir. Baxın, bir neçə türk məktəbi bağlandı. Hətta deputatlar belə təşvişə düşdülər ki, ölkədə onlara alternativ olacaq keyfiyyətli məktəblər yoxdur. Deməli, islahat aparılmalıdır ki, biz universitetlər üçün yüksək səviyyədə şagirdlər hazırlayaq”.
A. Mollazadə əlavə edib ki, turizm sahəsində inkişaf gedir, möhtəşəm mehmanxanalar və yeni xidmət sahələri açılır. Lakin bu sahələrdə işləyəcək mütəxəssis yoxdur. Onun sözlərinə görə, bu mütəxəssisləri hazırlayan peşə məktəbləri də azdır: “Azərbaycanda şagirdlərin yalnız 25 faizi universitetlərə gedir. Bəs qalanları necə olur? Çox istərdim ki, biz peşə təhsilinə müvafiq maliyyə ayıraq və bu ünvanlı maliyyə olsun”.
Simsar.az
“Şuşaya qayıdış” devizi altında ümumrespublika seminarı keçirilib
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər
.jpg)
