Məşhur türk müğənnisi Murad Boz, çalışdığı şirkətdən xəbərsiz 45 knsertə çıxdığı və müqaviləni haqsız yerə ləğv etdiyi üçün 105 min lirə təzminat ödəmyə məhkum edildi.
Simsar.az xəbər verir ki, İstanbul 3 Fikri və Sinai Haqqlar Hüquq Məhkəməsində baxılan məhkəməyə Murad Boz qatılmayıb. Məhkəmədə Bozun vəkili Polad Dilli və Stardium Musiqi Şirkətinin vəkili Yaşar Özışık təmsil edib.
Musiqi şirkəti, müqavilənin şərtlərinin pozduğu üçün Murad Boza 500 min dollar pul cəzası verilməsini tələb edib. Albomunu vaxtında hazır etmədiyi üçün müqaviləni ləğv etdiyini deyən Murad Boz isə fürsəti əldən verməyib 33 min lirəlik təzminant verilməsi tələbini irəli sürüb.
Təxminən 6 ildir davam edən məhkəmədə qərarını açıqlayan hakim, şikayətçi olan şirkətin irəli sürdüyü 500 min dollarlıq təzminat istəyini qismən qəbul edib. Məhkəmə 105 min 253 lirənin Murad Bozdan alınaraq şirkətə verilməsini hökm edib. Bozun məhkəməyə müraciəti isə rədd edilib.
Günel