Bakı Şəhər İcra Hakimiyyəti (BŞİH) Demokratik Qüvvələrin Milli Şurasının noyabrın 10-na təyin etdiyi mitinqlə bağlı müraciətinə cavab verib.
AXCP sədrinin müavini Fuad Qəhrəmanlının Simsar.az-a verdiyi məlumata görə, paytaxt meriyası mitinqlə əlaqədar müraciəti müsbət cavablandırıb.
BŞİH-nin Milli Şuraya ünvanladığı cavab məktubunda bildirilib ki, adıçəkilən qurum noyabrın 10-da saat 15.00-dan başlayaraq 2 saat ərzində paytaxtın Yasamal rayonu ərazisində yerləşən İdman-Sağlamlıq Kompleksinin stadionu (keçmiş “Məhsul” stadionu) ərazisində mitinq keçirə bilər.
Qeyd edək ki, Milli Şura mitinqlə bağlı qərarı qurumun Koordinasiya Mərkəzinin oktyabrın 30-da keçirilən iclasında qəbul edib.
Hüseyn İbadlı