Simsar.az xəbər verir ki, İstanbul Şəhər Teatrlarının Bədii Şurasında səhnələşirlməsi üçün səsə qoyulan Hüseyn Cavidin “İblis” əsəri səs çoxluğu ilə qəbul olunub.
Simsar.az-a açıqlamasında Məlahət Abbasova bu tarixi günü uzun illərdir gözlədiyini bildirib: “Bu gün mənim uzun illərdən bəri xəyalını qurduğum bir gün idi. Çox şükürlər olsun, bu arzum da həyata keçdi. Böyük Cavidin “İblis” əsəri iki gün əvvəl nəhayət ki, Türkiyənin ən böyük teatrında səhnəyə qoyulmaq üçün, Bədii Şuradan keçdi. Bu doğurdan da tarixi bir hadisədir. Bir neçə ay əvvəl Hüseyn Cavidin təhsil aldığı İstanbul Universitetində Əli Həsənovun, Sona Vəliyevanın və Baş konsulluğun təşəbbüsü ilə Cavidlə bağlı tədbir keçirildi. Mən də bu tədirdə iştirak etdim. O zaman Sona xanımla bu barədə söhbətimiz oldu. Öyrəndim ki, bu əsərin Türkiyədə səhnəyə qoyulması onlarında böyük arzusudur. Bəlkə də o zamanlar onun heç ağlına da gəlməzdi ki, bir vaxt gələcək onun əsəri heyranı olduğu Türkiyədə, təhsilini aldığı İstanbulda səhnəyə qoyulacaq. Mən bilirəm ki, indi Hüseyn Cavidin ruhu çox şaddır”.
Məlahət Abbasova əsərin müəyyən hazırlıqlar həyata keçirləndən sonra səhnəyə qoyulma tarixinin bəlli olacağını deyib.
Günel