Fələstinlilərin tarixi paytaxtları Qüdsdə gərginlik durmadan artır.
Simsar.az-ın yerli mediaya istinadən verdiyi məlumata görə, artıq Əqsa məscidi ilə bağlı da ərəblərlə yəhudilər arasında qarşıdurma yaşanıb.
Şərqi Qüdsdə bir fələstinlinin maşını dayanacaqda dayanan yəhudilərin üzərinə sürməsi nəticəsində isə bir israilli ölüb. Buna cavab olaraq isə fələstinli sürücü öldürülüb.
İsrailin Qəzza əməliyyatı və yeni yəhudi yaşayış məntəqələri planını açıqlamasından sonra isə qarşıdurmalar artıb.
Ultra-pravoslav yəhudilərin dünən Əqsa məscidində aksiya keçirmək istəmələrindən sonra fələstinlilərlə aralarında qarşıdurma yaranıb. İsrail polisi isə hadisələrə müdaxilə etmək üçün Əqsa məscidinə girib. Polis Əqsada gözyaşardıcı qazdan istifadə edib.
Qeyd edək ki, İslamda 3-cü müqəddəs məkan olan Əqsa məscidinin yerləşdiyi ərazi də yəhudilər üçün müqəddəs məkandır.
Vüsal Qarayev