ABŞ Hərbi Dəniz Qüvvələrinin xüsusi təyinatlılarının hərbçisi Robert Onil İngiltərənin “Daily Mail” qəzetinə açıqlamasında 2011-ci ildə keçirilən əməliyyat zamanı “Əl-Qaidə”nin lideri Üsama bin Ladenin onun tərəfindən öldürüldüyünü deyib.
Simsar.az-ın məlumatına görə, 38 yaşlı Onil “Fox” tv-yə müsahibə də verib. O deyib ki, bir sıra problemlər səbəbindən ordu sıralarından daha tez təxris olunub.
Məlumatda o da qeyd olunub ki, Robert Onil 19 yaşında hərbi xidmətə gedib və 16 il ərzində 400-ə yaxın əməliyyatda iştirak edib. Bir nömrəli terrorçunu öldürdüyünə görə isə R. Onil xüsusi mükafata layiq görülüb.
Xatırladaq ki, Üsama bin Laden 2011-ci ildə Pakistanın Abbottabad şəhərində ABŞ-ın həyata keçirdiyi xüsusi əməliyyat nəticəsində öldürülüb. Onun meyiti isə dənizin dibində basdırılıb.
Simsar.az