Çəkilişləri uğurla tamamlanan komediya filmi “Figüran”nın aktyor heyəti, təşkil edilən qonaqlıqda bir araya gəldilər.
Simsar.az xəbər verir ki, “Bosphorus Film Makers” tərəfindən çəkilən film noyabr ayının 28-də nümayiş olunacaq. Sezonun ən çox güldürəcək filmi olduğu iddiasını ortaya qoyan “Figüran”nın komandası, həm əyləncəli keçən çəkilişlərin sona çatmasını qeyd ediblər, həm də yorğunluq çıxarıblar.
Aktyorlar sezonun ən iddialı filmlər arasında yer alacacaq olan “Figüran” filminin, izləyiciləri üçün inanılmaz surprizlər hazırlayıblar. Filmin prodüsseri Aytəkin Mərd Simsar.az-a verdiyi açıqlamasında filmi izləyən və bileti ilə selfie çəkib www.figuranbenihollywoodagotur.com adresinə göndərən üç şanslı tamaşaçını Hallivoda, dünyanın ən böyük studoları olan Universal Studiolarını gəzməyə göndərəcəklərini bildirib: “Kino tamaşaçıları üçün bu gözəl filmin yanında belə bir surpriz hazırlamaq istədik. “Figüran”ın izləyicisinə hələ başqa surprizləri də olacaq” .
Kino həvəskarları tərəfindən maraqla gözlənilən filmin mövzusu olduqca maraqlıdır: Dünyanın ən fərasətsiz və ziyankar köməkçi aktyoru Mutlu, bənzərsiz bir ssenari yazdığına və baş rol oynayacaq qədər istedadlı aktyor olduğuna inanmaqdadır. Ola bildiyi qədər ziyankar, lakin bir o qədər də səmimi hərəkətləri ilə çəkiliş meydanının altını üstünə çevirən Mutlu və çəkiliş meydanlarında işıqçı assenti olan ev yoldaşı Cempo, peşələrində üstün mövqeyə sahib olmaq üçün öz ssenarilərini filmə çevirmək istəyirlər. Bu planlarını həyata keçirtmək üçün Mutlunun köməkçi aktyorluq etdiyi serialın baş rol ifaçısı olan Pelin Şəfəqi, öz filmlərinə çəkmək üçün çabalamaqdadırlar. Mutlu və Cemponun bu aktrisanı filmə çəkilməyə razı salmaq çabaları sezonun ən gülməli və səmimi filminin ortaya çıxmasına səbəb olur.
“Figüran” nın ümid doli və gülməli hekayəsinin arxa planında serial və filmlərin kadrarxası dünyasının bilinməyən tərəfləri tamaşaçılara göstərilir.
Günel