Saatda 100 km məsafəni 2,2 saniyəyə qət edir
Dünyanın ən surətli avtomobili sayılan "Bugatti Veyron Super Sport"-un ilk modeli ABŞ-da nümayiş olunub. Saatda 430 km sürətlə irəliləyən bu avtomobillərdən 40 ədəd istehsal ediləcək. Onların 5-i Birləşmiş Ştatlarda, qalanları isə dünyanın digər ölkələrində satışa çıxarılacaq. Avtomobilin satış qiyməti isə 2,58 milyon dollardır.
Simsar.az-ın Rusiya mətbuatına istinadən verdiyi xəbərə görə, "Super Sport" seriyasından olan bu modellər 1200 at gücündə, 4 turbinli, 16 klapanlı, 8 litr həə mühərriklə təchiz olunub. Fransa istehsalı olan bu avtomobil 100 km/saat sürətə cəmi 2,2 saniyədə çatır.
ABŞ-ın nüfuzlu "Forbes" jurnalı "Bugatti Veyron Super Sport"u 2011-ci ilin ən bahalı və sürətli avtomobili sayıb.
"Bugatti Veyron Super Sport" dünyanın ən sürətli minik avtomobili olmaqla yanaşı, ən çox yanacaq işlədən maşınıdır.
Günel