“Azərbaycan “Avro 5” standartı ilə istehsal olunan yüksək oktanlı benzinlə təmin ediləcək”.
Simsar.az xəbər verir ki, bunu jurnalistlərə açıqlmasında Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev deyib.
O bildirib ki, Heydər Əliyev adına Neft Emalı Zavodunun tez bir zamanda modernləşdirilməsi və 1 milyard həcmində investisiya layihəsi həyata keçirilməsi ilə bağlı qərar verilib: “Azərbaycanı 2030-cu ilə qədər “Avro 5” standartı ilə istehsal olunan yüksək oktanlı benzinlə təmin edəcəyik. Sözü gedən zavod elə həmin ildən istehsala başlayacaq. Bu da bizə imkan verəcək ki, tikinti qrafiklərini uzadaq”.
ARNŞ prezidentinin sözlərinə görə, əmək bazarında artıb-azalmalar ciddi problemlər yaradır. Bununla da işçi çatışmamazlığı yaranır: “Prezidentin sərəncamı ilə Qaradağ rayonu sənaye zonası elan edilib. Çalışırıq ki, Qaradağda 2030-cu ilə kimi trend yaradılsın. Ümumilikdə layihənin məbləği bir milyard manatdan yuxarı olmayacaq. Zavodda 8 yeni qurğu qurulacaq. Bundan sonra benzin istehsalı 3 milyon tona çatdırılacaq”.
Hüseyn İbadlı