İlham Əliyevə quruculuq işləri barədə məlumat verilib
Prezident İlham Əliyev respublikamızın cənub bölgəsinə səfəri çərçivəsində Astara rayonunda olub. AzərTAc dövlət agentliyinin məlumatına görə, dövlət başçısı xalqımızın ümummilli lideri Heydər Əliyevin Astara şəhərinin mərkəzindəki Heydər parkında ucaldılmış abidəsini ziyarət edərək önünə gül dəstəsi qoyub.
Prezident İlham Əliyevə Astara rayonunda və abidənin yerləşdiyi parkda aparılmış abadlıq-quruculuq işləri barədə məlumat verilib. Bildirilib ki, rayonun mərkəzi olan bu ərazidə geniş abadlıq işləri görülüb, müasir park salınıb. Heydər parkında Astara sakinlərinin istirahəti üçün hər cür şərait yaradılıb.