Polşanın paytaxtı Varşavada yüzlərlə meyvə fermeri Rusiyanın Qərbin sanksiyalarına cavab olaraq tətbiq etdiyi ərzaq embarqosuna qarşı etiraz edib.
Simsar.az-ın məlumatına görə, buna qədər rusiya bazarlarında böyük meyvə seqmenti tutan, polşalı fermerlər 1.5 milyon tona yaxın almanı sata bilmir. Onlar bu qədər məhsulun zay olmaması üçün hökümətdən utilizasiya ilə bağlı ölçülərin götürülməsini tələb edir.
Fermerlərin təkliflərindən biri izafi meyvə ehtiyatların sonradan qaz və elektrik enerjisinin istehsalı üçün bioqaz stansiyalarına satılması olub. Etiraz aksiyası prezident iqamətgahı sayılan Belveder sarayı yaxınlığında başlayıb. Daha sonra narazı fermerlə Baş nazirlik və maliyyə nazirliyi binalarına doğru yürüş edib. Aksiya ilə Varşava mərkəzində bəzi yollar bağlanıb.