Azərbaycan Respublikası Mədəniyyət və Turizm Nazirliyi Xarici İşlər Nazirliyi ilə birgə Azərbaycanda fəaliyyət göstərən 27 ölkənin səfirliklərini təmsil edən 44 nəfər üçün Şəki, Qəbələ və İsmayıllı marşrutu üzrə infotur keçirir.
Simsar.az xəbər verir ki, iki gün davam edəcək infoturda səfirliklərin nümayəndələri Azərbaycanın, xüsusilə də Şəki, Qəbələ, İsmayıllı bölgəsinin zəngin turizm potensialı, tarixi-memarlıq abidələri, milli mətbəxi, adət və ənənələri ilə tanış olacaqlar. Eyni zamanda, iştirakçılar üçün ölkəmizin turizm imkanlarını əks etdirən təqdimatlar keçiriləcək.
Qeyd edirik ki, ölkəmizin turizm potensialının təbliği məqsədilə bu cür turların mütəmadi olaraq keçirilməsi nəzərdə tutulur.
Günel