Baş Mütəşəkkil Cinayətkarlığa Qarşı Mübarizə İdarəsinə yeni rəis təyin olunub.
Simsar.az-ın APA-ya istinadən verdiyi məlumata görə, bu vəzifəyə Nəsimi Rayon Polis İdarəsinin rəisi Musa Musayev təyin edilib.
Quba Rayon Polis Şöbəsinin rəisi Seyfulla Əzimov isə Nəsimi rayon Polis İdarəsinin rəisi vəzifəsinə təyinat alıb.
Nizami Rayon Polis İdarəsinin 24-cü polis bölməsinin rəisi Lətif Cahangirov isə tutduğu vəzifədən çıxarılaraq Qaradağ Rayon Polis İdarəsinin 11-ci polis bölməsinə rəis göndərilib.
Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin rəisi, polis general-mayoru Mirqafar Seyidov isə Bakı Şəhər Baş Polis İdarəsinin rəisi təyin edilib.
Daxili işlər naziri, general-polkovnik Ramil Usubovun imzaladığı digər əmrlə isə Bakı Şəhər Baş Polis İdarəsinin rəisi, polis general-mayoru Rafiq Abbasov Daxili İşlər Nazirliyinin Kadrlar İdarəsinin rəisi vəzifəsinə təyinat alıb.
Məlumatı DİN-in mətbuat xidməti ilə dəqiqləşdirmək mümkün olmayıb.
Simsar.az