“Mənim fitvam əmr deyil. Mən sadəcə tövsiyyə edirəm”.
Simsar.az xəbər verir ki, bunu bütün Qafqazın Şeyxi Hacı Allahşükür Paşazadə, Aşura günü zəncir vuranlara münasibət bildirərkən deyib. Şeyx bildirib ki, biz xalqımıza zəncir vurmaq əvəzinə qan verməyi məsləhət bilmişik, lakin hər insan seçim etməkdə azaddır:
“Mən əmr vermirəm. Fitva sadcə tövsiyyədir, qanun deyil. İnsan özü başa düşüb bunu etməməlidir. Hər insanın öz vicdan, seçim azadlığı var. Kiməsə bunu qadağan etmək olmaz”.
Şeyx onu da qeyd edib ki, Aşura günləri zəncir vurmağı birdəfəlik ləğv etmək də mümkün deyil: “Hər insanın öz seçimi var. Bizim borcumuz xalqa başa salmaqdır ki, bunlar olmaz. 5-10 il bundan qabaqla müqayisədə indi belə hallar daha azdır. Demək ki, insanlar başa düşürlər”.
Vüsal Qarayev