Bu gün Azərbaycanda məscid və dini icmalarda Aşura mərasimləri keçirilir.
Simsar.az-ın məlumatına görə, ölkənin əksər məscidlərində böyük insan kütləsi ilə müşayiət olunan mərasimlərdə Kərbəla şəhidlərinə - Məhəmməd peyğəmbərin nəvəsi İmam Hüseyn və onun yaxınlarına, o cümlədən Qarabağ şəhidlərinin ruhuna dualar oxunub, əzadarlıq edilib.
Mərasimlər çərçivəsində qanvermə aksiyaları da keçirilib.
Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə isə Aşura günü əlaqədar “Təzəpir” Məscidində qan verib. Mərasimə Dini Qurumlarla iş üzrə Dövlət Komitəsinin (DQİDK) sədri Mübariz Qurbanlı, YAP-ın icra katibinin müavini, deputat Siyavuş Novruzov, QMİ sədrinin qardaşı, deputat Cavanşir Paşazadə də qan verərək aksiyaya qoşulublar.
Xatırladaq ki, Aşura ilə bağlı 14 məscid və ziyarətgahda qanvermə aksiyası keçirilir. Bunlar Yasamal rayonu “Təzə-pir” məscidi, Yasamal rayonu “Hacı Soltanəli” məscidi, Nəsimi rayonu “Əjdərbəy” məscidi, Səbail rayonu “Bibi-Heybət” məscidi, Səbail rayonu "İçərişəhər cümə məscid"i, Suraxanı rayonu "Qaraçuxur" məscidi, Xəzər rayonu “Mir Mövsüm ağa” məscidi, Nizami rayonu "Keşlə qəsəbə məscid"i, Sumqayıt şəhər “Cümə” məscidi, Gəncə şəhər “İmamzadə” məscidi, Mingəçevir şəhər “Heydər” məscidi, Şəki şəhər “Cümə” məscidi, Lənkəran şəhəri "Böyükbazar" məscidi və Bərdə şəhər “Cümə” məscididir.
Səhiyyə Nazirliyi isə açıqlmasında bildirib ki, ölkənin 15 tibb məntəqəsində də qanvermə aksiyası keçirilir. Səhiyyə Nazirliyinin mətbuat xidmətinin rəhbəri Anar Qədirli deyib ki, əhalinin qan verməsi üçün tibbi məntəqələrin 8-i Bakı məscidlərində təşkil edilib. Bakıda həmin məntəqələrdən əlavə Mərkəzi Qan Bankında da qanvermə aksiyası keçirilir. Qanvermə aksiyası bu gün axşam saatlarına kimi davam edəcək.
Vüsal Qarayev
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
