Bakının tanınmış dini obyektlərindən birində terror aktının törədilməsi ilə bağlı şaiə yayılıb.
Simsar.az-ın məlumatına görə, son bir neçə gündür Bakının “Məşədi Dadaş” məscidində partlayış törədilməsi ilə bağlı xəbərlər dini camiəni narahat etməyə başlayıb. Artıq bir çox dindar bir-biri ilə əlaqə saxlayaraq, öz narahtlıqlarını bölüşürlər.
Məsələyə münasibət bildirən məscidin axundu, tanınmış ilahiyyatçı Hacı Şahin Həsənli deyib ki, bu səpkili xəbərdən xəbərsizdir.
Hazırda məsciddə təhlükəsizliyin hüquq-mühafizə orqanları tərəfindən həyata keçirildiyini də qeyd edən Ş. Həsənli belə məlumatların haradan qaynaqlandığı haqda da məlumatsız olduğunu söyləyib.
Daxili İşlər Naziriliyinin mətbuat xidmətinin rəis müavini Ehsan Zahidov isə deyib ki, sabahdan Azərbaycan polisi Aşura günü ilə əlaqədar gücləndirilmiş iş rejiminə keçəcək: “Baş verə biləcək bütün qanunazidd halların qarşısı alınacaq”.
Qeyd edək ki, ötən il Milli Təhlükəsizlik Nazirliyi (MTN) axund Hacı Şahin Həsənliyə qarşı terror aktı törədilməsi ilə bağlı daxil olan məlumata əsasən əməliyyat həyata keçirib. Əməliyyat nəticəsində Azərbaycan vətəndaşları Mirzəyev Nəriman Xosrov oğlu və Rüstəmov Mirzəhməd Şakir oğlu şübhəli şəxs qismində tutulublar.
Onlar insanların həlak olması məqsədilə terrorçuluq hərəkətlərinin törədilməsinə yönəlmiş hazırlığa və qanunsuz olaraq külli miqdarda odlu silah, döyüş sursatı, partlayıcı maddələrin, qurğuların əldə edilməsində ittiham olunublar. Məhkəmə hər iki şəxsi azadlıqdan məhrum edilməsi ilə bağlı qərar da çıxarıb.
Hüseyn İbadlı
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
