İranda voleybol qarşılaşmasını salonda kişilərlə birlikdə izləmək istədiyi üçün həbs edilən 25 yaşlı iranlı İngilis vətəndaşı Qonçeh Qavami, “Rejimə qarşı propoqanda” ilə ittiham edilərək 1 il azadlıqdan məhrum edilib.
Simsar.az xəbər verir ki, bunu Qavaminin vəkili Əlizadə Tabetabay açıqlayıb.
Məlumat üçün bildirək ki, Qavami iyun ayında, İran ilə İtaliya milli komandaları arasındakı qarşılaşmanı izləmək üçün Tehranda oyunun keçirildiyi idman zalına girmək istədiyi üçün tutulmuşdu. Nəzarət altına alınan qadın daha sonra sərbəst buraxılmış, polis şöbəsindən evinə qaydarkən yenidən həbs edilmişdi.
Qeyd edək ki, İranda 1979-cu ildən bəri qadınların kişilərlə birlikdə idman müsabiqələrini izləməsinə icazə verilməsə də, bununla bağlı hər hansı bir fətva ya da qanun yoxdur.
Vüsal Qarayev