“Azərbaycanda iribuynuzlu heyvanlar arasında yayılan "Nodulyar dermatit" virusunun dinamikasında xeyli dərəcədə azalma müşahidə olunur”. Bunu Simsar.az-a açıqlamasında Kənd Təsərrüfatı Nazirliyi yanında Dövlət Baytarlıq Xidmətinin mətbuat mərkəzinin rəhbəri Yolçu Xanvəli deyib.
O, bildirib ki, xəstəlik baş qaldırandan bu günə kimi 5476 baş iribuynuzlu heyvanda müşahidə edilib. Artıq 4411 baş heyvan müalicə olunub.Hazırda 814 iribuynuzlu müalicə altındadır.
DBX rəsmisi "Nodulyar dermatit" virusu baş qaldırandan indiyə qədər yayılmış virusla yanaşı gedən digər xəstəliklərin təsirindən 251 baş heyvanın tələf olduğunu deyib. Ən son aldığımız məlumata görə isə ölkə üzrə cəmi 20 baş heyvanda toluxma qeydə alınıb.
Y.Xanvəli xəstəliyə yoluxma hallarının azalmasının aparılan profilaktik tədbirlər, dizenfeksiya işləri, müalicə tədbirlərinin və son günlər havaların sərinləməsi ilə bağlı olduğunu qeyd edib.
“Havaların soyuması qansoran həşaratların fəaliyyətində zəiflik yaratdığından son 3-4 günün nəticəsinə uyğun olaraq, xəstəliyin azalması müşahidə olunur”.
DBX rəsmisi deyib ki, xəstəlik 32 rayonda qeydə alınıb. Hazırda Saatlı, Sabirabad, Salyan, Bərdədə, Ağdaş, İmişli rayonlarında "Nodulyar dermatit" virusuna yoluxma üstünlük təşkil edir.
Onun sözlərinə görə, xəstəlik ölkəmizdə qeydə alındığı ilk gündən Kənd Təsərrüfatı Nazirliyinin göstərişi ilə müayinə üçün lazım olan testlər qısa müddətdə alınaraq respublikaya gətirilib. Virusun qarşısını almaq məqsədi ilə bütün rayonlar lazımı tibbi preparatlarla təmin edilib və bütün tədbirlər bu tədbirlər dövlət hesabına aparılır.
Xatırladaq ki, "Nodulyar dermatit" virusu ölkənin daha çox Aran və Qarabağ bölgəsindəki iribuynuzlu heyvanlar arasında yayılıb. Ancaq iribuynuzlular arasında baş qaldıran “Nodulyar dermatit” virusu bu ilin əvvəlindən İran və Türkiyəyə yaxın ərazilərimizdə qeydə alınıb. "Nodulyar dermatit" xəstəliyi qısamüddətli isitmə, dəri örtüyünün, limfa sisteminin, selikli qişanın zədələnməsi, dərialtı toxumalarda düyünlərin və nekrozların əmələ gəlməsi ilə səciyyələnir.
Aysel Kərimova
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
