Azərbaycan Dovlət Müstəqilliyi günü münasibəti ilə "Azərbaycan" İntellektual Oyunlar Klubu III Müstəqillik Kubokunu keçirib. Turnir 60 "Nə? Harada? Nə zaman?" formatlı sual və "Hərb və Sülh" mövzusunda" Fərdi oyun" formatı üzrə oyundan ibarət idi.
Simsar.az xəbər verir ki, AİOK-un prezidenti Aydın Piriyevin verdiyi məlumata əsasən "Nə? Harada? Nə zaman?" yarışı üzrə birinci yerin sahibi "Strekoza Qeyzenberqa" komandası, ikinci yerin " Dream Team" və üçüncü yer in sahibi isə "Hərum" komandası olub.
"Hərb və Sülh" mövzusunda olan "Fərdi oyun"un qalibi isə Soltan Əzimov olub.
Qaliblər klub tərəfindən, diplom medallar və kubokla təltif olunublar.
“Azərbaycan İntellektual Oyunlar Klubu 29 aprel 2012-ci ildə yaradılıb. Fəaliyyət dövrü müddətində klub paytaxt və regionlarda davamlı olaraq müxtəlif intellektual oyunlar, turnir və çempionatlar təşkil edib . Artıq 3-cü mövsümdür ki, AİOK-un təşkilatçılığı ilə universitetlərarası Azərbaycan və rus dillərində sinxron çempionat keçirilir.
Eyni zamanda klub Azərbaycan İntellektual Klublar Assosiasiyasının üzvüdür.