DİN eyni mövqe göstərəcək
Azərbaycan Daxili İşlər Nazirliyi (DİN) İctimai Palatanın (İP) aprelin 17-də Bakının mərkəzində mitinq keçirmək barədə qərarına münasibət bildirib.
Nazirliyin mətbuat xidmətinin rəis müavini Ehsan Zahidov APA-ya açıqlamasında deyib ki, Bakı Şəhər İcra Hakimiyyəti paytaxtda kütləvi aksiyaların keçirilməsi üçün müvafiq yer ayırıb: “Bakı Şəhər İcra Hakimiyyəti müxalifət partiyalarına konkret ərazidə mitinq keçirməyə razılıq verib. Əgər onlar həmin yerdə mitinq keçirərsə, polis əməkdaşları qanuna müvafiq olaraq ictimai asayişi və aksiya iştirakçılarının təhlükəsizliyini təmin edəcək. Əks halda, onlar Bakının mərkəzi küçə və meydanlarında icra hakimiyyəti ilə razılaşdırılmamış aksiya keçirməyə, ictimai asayişi pozmağa cəhd göstərərlərsə, aksiyanın qarşısı qətiyyətlə alınacaq”.
Bakı Şəhər İcra Hakimiyyəti İP-nın mitinq keçirməklə bağlı müraciətinə cavab verib. Bakı Şəhər İcra Hakimiyyəti “Nərimanov” kinoteatrının qarşısındakı meydanda kütləvi etiraz aksiyası keçirməyə razılıq verməyib. Əvəzində aksiyanın Bibiheybət qəsəbəsi, 20-ci sahə yaşayış massivi, Elçin Əzizov küçəsində yerləşən Sürücülük Məktəbinin həyətindəki meydançada keçirilməsi təklif edilib.
İctimai Palata isə mitinqi aprelin 17-də saat 16.00-dan 18.00-dək “Sahil” bağında keçirməyə qərar verib.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
