Azərbaycan Milli Elmlər Akademiyası (AMEA) ilə “Azərbaycan Polad İstehsalı Kompleksi” QSC arasında əməkdaşlığa dair “Anlaşma Memorandumu” layihəsi müzakirə edilib, əməkdaşlıq perspektivləri ətrafında fikir mübadiləsi aparılıb.
“Azərbaycan Polad İstehsalı Kompleksi” QSC-nin mətbuat xidmətindən Simsar.az-a verilən məlumata görə, görüşdə AMEA-nın alim və mütəxəssisləri, QSC-nin rəhbərləri iştirak edib.
Anlaşma Memorandumunun məqsədi texniki əməkdaşlığın və innovasiya tədbirlərinin inkişaf etdirilməsi, texniki təlim xidmətlərinin yaradılması üçün səylərin səfərbər edilməsi və s. məsələlərdən ibarətdir.
Tədbirdə Memorandumun imzalanmasına qədər işçi qrupun yaradılması və “Tədbirlər planı”nın hazırlanması haqqında müzakirələr aparılıb. Hər bir sahənin elmi cəhətdən araşdırılması, kadr hazırlığı, eyni zamanda bir çox alimin bu sahəyə cəlb edilməsinin vacibliyi qeyd olunub. Metallurgiya üzrə magistr hazırlığına da başlanmasının lazım olduğu iştirakçıların nəzərinə çatdırılıb.
Məlumatda qeyd olunub ki, “Anlaşma Memorandumu”nun bu ilin noyabrında imzalanması planlaşdırılır.
Simsar.az
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
