Prezident İlham Əliyev bu gün Bakıda Heydər Əliyev Mərkəzində keçirilən Gənclər siyasəti üzrə birinci Qlobal Foruma qatılıb.
Simsar.az SalamNews-a istinadən xəbər verir ki, ölkə başçısı forum iştirakçıları qarşısında çıxış edib.
"İlk forumun Bakı şəhərində keçirilməsi barədə qərarı ölkəmizin gənclərlə iş sahəsindəki təcrübəsinə verilən yüksək qiymət kimi dəyərləndiririk. Hesab edirik ki, bu toplantı qloballaşmanın geniş vüsət aldığı müasir dövrdə gənclər siyasətinin prioritetlərinin dəqiqləşdirilməsi, bu sahədəki problemlərin həlli yollarının araşdırılması, iştirakçı ölkələrin dövlət orqanları və qeyri-hökumət təşkilatları arasında təcrübə mübadiləsinin aparılması baxımından əhəmiyyətli olacaq, səmərəli müzakirələrlə yadda qalacaq.", - İ.Əliyev belə deyib.