Türkiyənin Karaman bölgəsindəki partlayış baş verən kömür mədənində dağıntılar altında hələ də 18 nəfər qalıb.
Simsar.az-ın məlumatına görə, Türkiyənin enerji və təbii sərvətlər naziri Taner Yıldız aparılan xilasetmə işlərinə baxmayaraq işçilərin həyatının təhlükədə olduğunu bildirib.
"Zaman əlehyhimizə işləyir. Mədəndə su səviyyəsinin aşağı salmağa çalışırıq".
Qəza yerində mədəndən sağ şıxan işçilər Taner Yıldıza öz etirazlarını çatdırıblar. İşçilər nahar yeməyini mədənin işində yedikləri üçün dağıntılar altında qaldığını və su qaynağında tədbir görülmədiyini nazirin diqqətinə çatdırıblar.
Taner Yıldız bütün gecəni qəza yerində olcağını bildirib.
Qeyd edək ki, 18 nəfərin xilas olunması üçün mədənə xüsusi nasoslarla hava vurulur və su səviyyəsinin aşağı salınmasına çalışılır.