“Bəzən qanunlar qəbul olunanda tam dolğun işlənilmədən qəbul olunur”.
Bunu Milli Məclisdə “15 yaşı tamam olmamış Azərbaycan Respublikası vətəndaşının fərdi identifikasiya kartı haqqında” Azərbaycan Respublikasının Qanununda dəyişikliyin müzakirəsi zamanı deputat Çingiz Qənizadə deyib.
O bildirib ki, bu qanun timsalında bütün qəbul ediləcək qanunlar tam detallarına qədər işlənərək qəbul edilməlidir: “Biz bu qanunu bu yaxınlarda qəbul etmişdik. Yenidən qanunda dəyişiklik etmək göstərir ki, qanunu dolğun şəkildə qəbul etməmişik. Xahiş edirəm ki, bundan sonra qanunları qəbul edərəkən onun detallarına diqqətlə yanaşılsın ki, üstündən bir il keçməmiş yenidən baxılmaq üçün müzakirəyə çıxarılmasın”.
Bundan sonra “15 yaşı tamam olmamış Azərbaycan Respublikası vətəndaşının fərdi identifikasiya kartı haqqında” Azərbaycan Respublikasının Qanununda dəyişiklik edilməsi səsə qoyulub və qəbul edilib.