“Ayrı-ayrı şəxslər sanki oğru həyatını təbliğ edir. Onlar haqda kitablar yazılır, musiqilər bəstələnir, sosial şəbəkələrdə səhifələr açılır. Məncə, belə nəşrlərin, musiqilərin kitabların azad formada yayılması pis nəticələr çıxara bilər”.
Simsar.az xəbər verir ki, bunu millət vəkili Leyla Abdullayeva deyib. O bildirib ki, mətbuatda yalnız kriminal xəbərləri görürsən. “Artıq mətbuatımız elə bir səviyyəyə gəlib çatıb ki, kriminal – baş kəsmək, qan tökmək, oğurluq etmək adi hal kimi təqdim edilir. Fikrimcə buna inzibati xətalar məcəlləsi vasitəsilə baxmaq olar. Bir çox ölkələrin təcrübəsi var. Orada film və kitablarla bağlı yaş məhdudiyyəti qoyulur. Düşünürəm ki, spirtli içkilər və tütün məmulatları ilə bağlı yaş məhdudiyyəti bizim üçün nümunə ola bilər”.
Elmar Hüseynov