"Gənclər Siyasəti üzrə I Qlobal Forumu" ötən 20 il ərzində miqyasına görə ən böyük forumdur.
Simsar.az xəbər verir ki, bunu BMT Baş Katibinin Gənclər üzrə xüsusi nümayəndəsi Ahmad Alhendavi deyib.
O bildirib ki, 20 il bundan öncə gənclər üzrə fəaliyyət proqramı qəbul olunub. Həmin tarixdən sonra ilk böyük qlobal forum keçirilir: "İnfrastruktur baxımından Azərbaycan çox inkişaf edib. Bu forumun burda keçirilməsi Azərbaycan gənclər siyasətində simvola çevriləcək".
BMT Baş katibinin Bakıya gəlməməsinin səbəbini açıqlayan A.Alhendavi bildirib: "Onun video mesajını izlədik. Bu isə o deməkdir ki, bu forum onun üçün böyük əhəmiyyət kəsb edir. Eyni zamanda dünyada böhranlar davam edir. Baş katibin başı məhz belə məsələlərə qarışıb. Bunlardan da ən əsası "Ebola" virusudur".