Bir müddət öncə Türkiyəyə qarşı işlətdiyi ifadələrə görə Türkiyə prezidenti Rəcəb Tayyib Ərdoğandan üzr istəyən ABŞ prezidentinin köməkçisi Co Bayden, noyabrda Türkiyə də içində olmaqla bir çox ölkələrə səfər edəcək.
Simsar.az xəbər verir ki, Ağ Evdən verilən açıqlamaya görə Bayden 17 noyabrdan etibarən Mərakeş, Ukrayna və Türkiyədə səfərdə olacaq.
Mərakeşdə V Qlobal Sahibkarlıq Zirvəsində ABŞ deleqasiyasına başçılıq edəcək Bayden, Ukraynada prezident Petro Proşenkoyla və digər hökumət və qeyri-hökumət təşkilatları nümayəndələriylə görüşəcək.
Daha sonra prezident köməkçisi Ukraynadan Türkiyəyə keçəcək. Bayden burda prezident Rəcəb Tayyib Ərdoğan və baş nazir Əhməd Davudoğlu ilə görüşəcək.
Qeyd edək ki, Bayden bir müddət öncə Türkiyəyə qarşı ittiham edici ifadələr işlətmiş və sonra da Ərdoğandan üzr istəmişdi.
Vüsal Qarayev