Azərbaycan Dövlət Musiqili Teatrında dahi Üzeyir Hacıbəylinin “O olmasın, bu olsun” tamaşasının premyerası olub. Simsar.az xəbər verir ki, tamaşada Məşədi İbad obrazını Əməkdar Artist Şövqi Hüseynov canlandırıb.
Mirzağa Əliyev, Əliağa Ağayev, Lütfəli Abdullayev, Hacıbaba Bağırov kimi görkəmli sənətkarların misilsiz ifaları sayəsində klassik Məşədi İbad obrazı formalaşıb.
Əməkdar Artist Şövqi Hüseynovun yaratdığı Məşədi İbad klassik deyil, tamamilə yeni, fərqli bir obraz olub. O, çirkin, kifir, yekəqarın, qoca deyil. Gülnaza görə yaşlı olsa da, pəhriz saxlayan, tacir, orta yaşlarında bir kişidir. Aktyor pariksiz (saçını qırxdırıb) cavan Məşədi İbadı oynayıb.
Operettanın quruluşçu rejissoru Xalq Artisti Cənnət Səlimova, dirijoru Fəxrəddin Atayev, konsertmeysteri Zülfiyyə Sadıxovadır.
Günel