Xəbər verdiyimiz kimi, dünən Ukraynada növbədənkənar parlament seçkiləri baş tutdu.
Simsar.az Ukrayna Mərkəzi Seçki Komissiyasına istinadən xəbər verir ki, Ukraynadakı Parlament seçkilərindən sonra səslərin 29 faizi hesablanıb. Məlumata görə 5 faiz limitini hələlik 29 partiyadan yalnız 6-sı keçə bilib.
Seçkilərdə Rusiya meyilli partiyalarla müqayisədə, Qərbmeyilli partiyaların yüksək faizlə irəlidə olduğu bildirilir.
Sayılan səslərin partiyalar arasında bölüşdürülməsi belədir: Keçmiş Baş Nazir Arsen Yasenyukun partiyası – Xalq Cəbhəsi 35.67, Petro Proşenkonun bloku – 21.60, Özünə Yardım Partiyası – 10.75, Müxalifət Bloku – 9.62, Radikal Partiya Oleq Lyaşka – 7.53 və keçmiş Baş Nazir Yuliya Timaşenkonun Ana Vətən Partiyası – 5.82.
Qeyd edək ki, dünənki seçkilərə 35 milyondan çox seçicinin yarısından çoxu qatılıb. Donetsk və Luqans bölgəsi isə baykot edərək seçkilərdə iştirak etmədilər.
Vüsal Qarayev