Bakıda 2 saylı cəzaçəkmə müəssisəsinə narkotik keçirilməsinn qarşısı alınıb.
Simsar.az Ədliyyə Nazirliyinin Penitensiar xidmətinin İctimaiyyətlə əlaqələr şöbəsinə istinadən xəbər verir ki, qurumun əməkdaşları tərəfindən müəssisədə cəza çəkən məhkum Rüfət Vaqif oğlu Əliyevə qardaşı Sənan Vaqif oğlu Əliyev tərəfindən göndərilmiş bağlamaya baxış keçirilib. Keçirilən baxış zamanı “Clear” şampun qabının içərisində gizlədilmiş kibrit qutusundan 2,97 qram narkotik maddə - marixuana və 0,68 qram narkotik maddə - tiryək aşkar edilərək götürülüb.
Qeyd edək ki, Rüfət Vaqif oğlu Əliyev Azərbaycan Respublikası Cinayət Məcəlləsinin 181.2.3; 181.2.4 və 181.2.5 maddələrinə əsasən azadlıqdan məhrum edilib.
Fakt üzrə araşdırma aparılır.