Onlar dörd il nişanlı olublar
Bu barədə APA-ya Binəqədi Rayon Polis İdarəsindən bildirilib. Hadisə ötən gecə Rəsulzadə qəsəbəsi, Musabəyov küçəsi, 18 ünvanında qeydə alınıb. Həmin ünvanda yaşayan, 24 yaşlı Ləman Sadıqova özünü asaraq intihar edib.
Baş vermiş intiharla bağlı polisə məlumat daxil olan kimi hadisə yerinə Binəqədi Rayon Prokurorluğunun əməkdaşları gəlib. Mərhumun anası qızının intihar etməsi faktını gizlətməyə çalışıb. O, qızın intihar etdiyi zaman istifadə etdiyi kəndiri gizlədərək istintaqçıların işinə mane olub. Uzun sürən araşdırmalardan sonra L. Sadıqovanın intihar etməsi təsdiqlənib.
Araşdırmalar zamanı məlum olub ki, L. Sadıqova dörd il əvvəl nişanlanıb. Lakin qızın nişanlısı aprelin 9-da başqa bir xanımla ailə qurub. Bundan xəbər tutan L. Sadıqova özünə qəsd edib.
Faktla bağlı Binəqədi Rayon Prokurorluğu tərəfindən Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanıb, araşdırmalar davam etdirilir.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
