İstanbulda “Türk dilində danışan ölkələrin əməkdaşlıq günü” münasibətilə mərasim keçirilib. APA-nın Türkiyə müxbirinin məlumatına görə, Türkdilli Dövlətlərin Əməkdaşlıq Şurasının təşkil etdiyi mərasimdə çıxış edən şuranın baş katibi Ramil Həsənov indiyə qədər 4 ölkənin könüllü şəkildə əməkdaşlıq etdiyi təşkilatın üzvlərinin bundan sonrakı mərhələdə 6-ya çıxacağına inandığını vurğulayıb. 4 ölkə dövlət başçısının siyasi iradəsinin şuranın fəaliyyətində həlledici əhəmiyyətə malik olduğunu xatırladan baş katib, “ikitərəfli münasibətlərimizi bundan sonrakı dönəmdə dördtərəfli səviyyəyə çıxaracağımıza əminəm. Gələcəkdə şuraya üzv olacaq ölkələrin sayı artdıqca əməkdaşlığımızın çərçivəsi daha da genişlənəcək”, - deyib.
Mərasimdə çıxış edən Türkiyə xarici işlər nazirinin müavini Naci Koru türk dilində danışan ölkələr arasındakı münasibətlərin İsmayıl bəy Qaspralının “Dildə, fikirdə, işdə birlik” - şüarının zəminində qurulduğunu, bu münasibətlərin inkişaf etdirilməsinin bölgəyə və dünyaya sülh, rifah gətirməyə xidmət etdiyini bildirib. “XXİ əsrin gətirib-gəldiyi potensial fürsətlər bizim üzərimizə önəmli vəzifələr qoyur”, - deyən nazir müavini Naci Koru, qardaş ölkələr arasındakı münasibətlərin dərinləşməsi istiqamətində Türkdilli Ölkələrin Əməkdaşlıq Şurasının göstərdiyi fəaliyyətdən məmnuniyyət duyduqlarını vurğulayıb.
Mərasimdə çıxış edən Türkdilli Dövlətlərin Əməkdaşlıq Şurasının qurucu baş katibi, istefada olan səfir Xəlil Akıncı, Türkiyə Cümhuriyyətinə 43 il xidmət etdikdən sonra 2010-cu ilin sentyabrında şuranın qurucu baş katibi vəzifəsinə gətirildiyini, 4 illik fəaliyyəti nəticəsində qardaş ölkələr arasındakı münasibətlərin könüllülük prinsipi əsasında ən yüksək səviyyəyə çıxarılmasından məmnun olduğunu deyib. Mərasimin sonunda Xəlil Akıncıya qurumun Şərəf mükafatı verilib.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
