Bu gün Mingəçevirdə İqtisadiyyat və Sənaye Nazirliyinin Bakı Biznes Tədris Mərkəzi tərəfindən və sahibkarlıq fəaliyyətinə yeni başlayanlar üçün növbəti treninq keçirilib.
Simsar.az xəbər verir ki, treninqdə Bakı Biznes Tədris Mərkəzinin və Mərkəzin Göyçay və Yevlax nümayəndəliklərinin əməkdaşları tərəfindən “Sənayedə brendləşmə”, “Biznes ideyanı yarat”, “Öz biznesinə başla”, “Öz biznesini təkmilləşdir” və “İqtisadiyyat və Sənaye Nazirliyi tərəfindən göstərilən elektron xidmətlər” mövzularında təqdimatlar keçirilib. İştirakçılara əmtəə və ticarət brendi, sənayedə brendləşmənin xüsusiyyətləri, sənaye məhsullarının keyfiyyətinin yüksəldilməsi, biznes-ideyanın yaradılması və həyata keçirilməsi yolları, SWOT təhlilin aparılması və bu sahədə beynəlxalq təcrübə, yeni biznes subyektlərinin yaradılması qaydaları və s. barədə geniş məlumat verilib.
Bununla yanaşı, tədbir iştirakçıları “Azərbaycan Respublikasında biznesin idarə edilməsi sahəsində kadrların ixtisasının artırılması üzrə Almaniya-Azərbaycan birgə Proqramı” barədə məlumatlandırılıb, Proqramın biznesin inkişafında, Almaniya müəssisələri ilə işgüzar əlaqələrin yaradılmasında, menecerlərin nəzəri biliklərinin, praktiki bacarıqlarının səviyyəsinin yüksəldilməsində, onların beynəlxalq təcrübəyə yiyələnməsində əhəmiyyəti vurğulanıb.
Treninqdə, həmçinin, İqtisadiyyat və Sənaye Nazirliyi tərəfindən göstərilən elektron xidmətlər, www.icazeler.gov.az və www.b2b.az elektron portalları, portalların biznesin səmərəli təşkili və inkişafı üçün yaratdığı imkanlar, investisiya layihələrinin maliyyələşdirilməsi ilə əlaqədar elektron idarəetmə sistemi və s. barədə məlumat iştirakçıların diqqətinə çatdırılıb.
Tədbir çərçivəsində iştirakçılara Bakı Biznes Tədris Mərkəzi tərəfindən hazırlanmış metodiki vəsaitlər paylanıb, onları maraqlandıran suallar cavablandırılıb.
Vüsal Qarayev
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
