Bu gün parlamentin plenar iclasında Miqrasiya Məcəlləsində dəyişiklik edilməsi ilə bağlı qanun layihəsi müzakirə olunub. Simsar.az xəbər verir ki, dəyişikliklər barədə Hüquq siaysəti və dövlət quruculuğu komitəsinin sədri Əli Hüseynli məlumat verib.
Onun sözlərinə görə, məcəllənin 15-ci maddəsinə müəyyən dəyişikliklər edilib. Belə ki, xarici dövlətlərlə müvafiq beynəlxalq müqavilələr bağlanmış olduğu hallarda, habelə müvafiq icra hakimiyyəti orqanı tərəfindən müəyyən edilən hallarda əcnəbilər və vətəndaşlığı olmayan şəxslər Azərbaycana vizasız qaydada gələ bilərlər. Bu dəyişiklik I Avropa Oyunlarına gələcək şəxslərin Azərbaycana daxilolma qaydalarının sadələşdirilməsi məqsədi ilə edilir.
Müzakirələrin sonda mövcud dəyişiklik səsə qoyularaq qəbul edilib.