Bakıda tələbə qızın atasına yazdığı SMS onu polisə aparıb.
Simsar.az-ın milli.az-a istinadən verdiyi məlumata görə, dünən Azərbaycan Texniki Universitetinin 19 yaşlı tələbəsi A.N. dərsə getmək adı ilə evdən çıxıb. Dərs vaxtı günorta saatlarında başa çatsa da, tələbə qızdan xəbər çıxmayıb.
Təxminən saat 16 radələrində atasının mobil telefonuna qızın nömrəsindən SMS gəlib: “Ata, məni qaçırıblar”. Bundan sonra onun atası Ramiz Nuriyev Yasamal Rayon Polis İdarəsinin 28-ci polis bölməsinə müraciət edib.
Bölmədən ANS PRESS-ə verilən əmlumata görə, Ramiz Nuriyev dünən qızının qaçırılmağı ilə bağlı məlumat verib. O, bildirib ki, bu barədə ona qızı mesaj yazıb. Hazırda 19 yaşlı qızın tapılması istiqamətində axtarışlara başlanılıb.
Faktla bağlı araşdırma aparılır.