Goranboyda qədim tarixə malik yaşayış məskəni və kurqan tapılıb.
Simsar.az Türkel TV-yə istinadən xəbər verir ki, qədim yaşayış məskənini Milli Elmlər Akademiyasının Arxeologiya və Etnoqrafiya İnstitutunun elmi ekspedisiyası aşkarlayıb. Qaraçinar kəndi ərazisində tapılan maddi mədəniyyət nümunələri eneolit dövrünə, həmçinin erkən tunc, antik və orta əsrlərə aiddir. Alimlər iddia edir ki, bu yaşayış məskəninin 6500 yaşı var. Qazıntılar zamanı tapılan kurqan isə rayon mərkəzindən 20 kilometr kənarda, Ağcakənd yolunun ətrafındadır. Sərdabənin hündürlüyü 30 metr, eni 4 metrə yaxındır. Bu kurqanın tarixi isə 2600 il əvvələ gedib çıxır. Sərdabənin üst hissəsi taxta tirlərlə örtülüb.Tədqiqatların ilkin nəticələri üzrə məlumatlar toplanıb, tədqiq ediləcək. Bundan sonra ərazidə geniş miqyaslı arxeoloji qazıntılara başlanacaq.
Simsar.az