“Hazırda gənc alimlərin sosial problemləinin həlli ilə bağlı bir sıra işlər görülür. Biz elmdə maliyyə strategiyasını dəyişməklə gənc alimlərin elmi tədqiqatlarda iştirakının çərçivəsini müəyyən edəcik”.
Simsar.az xəbər verir ki, bunu jurnalistlərə açıqlamasında Azərbaycan Milli Elmlər Akademiyasının (AMEA) prezidenti Akif Əlizadə deyib.
O bildirib ki, artıq institutlara əlavə maliyyə ayrılmayacaq: “Xüsusi proqramlara büdcə maliyyəsi verməklə orada gənclərin iştirakı mükafatlarla stimullaşdırılacaq. Bu təcrübə bütün dünyada var. Akademiya da bu təcrübədən ilk dəfə yararlanacaq. Düşünürəm ki, bu addım müsbət olacaq”.
AMEA prezidentinin sözlərinəgörə, xüsusi proqramların seçimində isə üstünlük elmin proritetlərinə istiqamətlənmiş tədqiqatlara yer ayrılacaq: “Komissiya seçim aparacaq və müəyyən edilmiş proqramlar əlavə maliyyə ilə təmin olunacaq”.
Aysel Kərimova