Rusiya və Ukrayna liderləri qaz problemini Milanda müzakirə edəcəklər.
Simsar.az-ın məlumatına görə, Rusiya prezidentinin mətbuat xidmətindən bildirilib ki, Rusiya və Ukrayna prezidentləri Vladimir Putin və Petr Poroşenko arasındakı telefon danışığı zamanı bu qərara gəliblər.
Rəsmi Kiyevin təşəbbüsü ilə həyata keçən telefon danışığı zamanı razılığa gəlinib ki, Ukraynaya təbii qazın verilməsi ilə bağlı məsələ oktyabrın 16-17-də İtaliyanın Milan şəhərində keçiriləcək “Asiya-Avropa” Forumunda müzakirə olunsun.
Prezidentlər Ukraynanın Donbas bölgəsində etnik münaqişənin qarşısının alınmasının istiqamətlərində əldə olunan razılaşmaya əməl olunmasının vacibliyini də vurğulayıblar.
Milanda əvvəlcə görüş ikitərəfli formatda, daha sonra isə Almaniya kansleri Anqela Merkel və Fransa prezidenti Fransua Ollandın iştirakı ilə davam etdirəcək.
Simsar.az