Dini Qurumlarla İş üzrə Dövlət Komitəsinin sədri Mübariz Qurbanlı Avropa İttifaqının Azərbaycandakı səfiri, xanım Malena Mardı qəbul edib.
Simsar.az xəbər verir ki, Komitə sədri rəhbərlik etdiyi qurumun yaranması və fəaliyyət istiqamətləri haqqında səfirə ətraflı məlumat verərək, ölkədə mövcud tolerantlıq, dinlərarası münasibətlər haqqında danışıb.
Qeyd olunub ki, bu gün dünyada, xüsusən Avropada, yaxın şərqdə dinlərarası münaqişələr yaşansa da, Azərbaycanda bu cür hallar mövcud deyil.
Görüşdə həmçinin Azərbaycanla Avropa İttifaqı arasında ikitərəfli münasibətlərin inkişafı, o cümlədən, din sahəsi ilə bağlı məsələlər müxtəlif aspektlərdə müzakirə olunub.
Hüseyn İbadlı