İranın Radio və Televiziya Təşkilatının sədri İzətullah Zərqami
Qafqaz Müsəlmanları İdarəsinin sədri, Şeyxülislam Hacı Allahşükür Paşazadə ilə görüşü zamanı İranın “Səhər” kanalının adı “Axşam” olmalıdır” “zarafat”ına münasibət bildirib.
Simsar.az-ın məlumatına görə, İ. Zərqami bu gün İranın Azərbaycandakı səfirliyində Bakı səfərinin ilə bağlı keçirdiyi mətbuat konfransında deyib ki, görüşdüyü şəxslərlə zarafat etməyi sevir: “Media orqanları heç vaxt etdiyim zarafatlarımı çap etməyiblər. Dünənki görüşdə mənim etdiyim zarafat müqabilində Şeyxin dedikləri zarafatdır. Ancaq rəsmi xəbər kimi yayımlanması düzgün deyil. Gərək media nümayəndələri ciddinin və zarafatın fəqrini bilsinlər”.
İ. Zərqami Şeyxlə görüş zamanı müzakirə olunan məsələlərə də diqqəti yönəldib: “Görüş zamanı müxtəlif sahələrə aid məsələləri müzakirə etdik. Şeyxülislam İran İslam Respublikasına olan istəyini və ali-dini liderə qarşı məhəbbətini bildirdi”.
Hüseyn İbadlı