“İran “Azerspace”dən televiziya yayımının təşkili üçün 1 tezlik almaq qərarına gəlib”.
Simsar.az xəbər verir ki, bunu Bakıda keçirdiyi mətbuat konfransında İranın Radio və Televiziya Təşkilatının sədri İzətullah Zərqami deyib.
İ. Zərqami bildirib ki, İranın 12 kanalı “Azerspace”dən yayımlana bilər:
“Səfər çərçivəsində İran televiziya kanallarının “Azerspace”dən yayımlanması məsələsi müzakirə olundu. İlkin razılaşmalar əldə olunsa da danışıqlar davam etdiriləcək. Bunun texniki məsələlərin həlli ilə bağlı da əlavə tədbirlər görülməlidir”.
Təşkilat sədri əlavə edib ki, Bakıda azərbaycanlı film mütəxəssisləri ilə də müzakirələr aparılıb.
Hüseyn İbadlı