Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə Azərbaycanda səfərdə olan İran İslam Respublikasının Radio-Televiziya Təşkilatının sədri İzzətullah Zərqamini qəbul edib.
QMİ-nin mətbuat xidmətindən APA-ya verilən məlumata görə, görüşdə Allahşükür Paşazadə deyib ki, bu gün bütün müsəlman aləminin bayramı - Qədir-Xum bayramı, Hz. Əlinin (ə.s) Məhəmməd Peyğəmbərin (s.ə.a.s) davamçısı elan olunduğu gündür. O, bayram münasibətilə iranlı qonaqları təbrik edib.
A. Paşazadə İranın ali dini lideri Əli Xamneyiyə Allahdan şəfalar diləyib. O, Ə. Xamneyini Azərbaycana dəvət etdiyini, lakin bu səfərin baş tutub-tutmayacağı barədə məlumatsız olduğunu söyləyib.
İ. Zərqami də öz növbəsində Qədir-Xum bayramı münasibətilə şeyxülislamı təbrik edib və deyib ki, A. Paşazadənin iki ölkə arasında əlaqələrin yüksək səviyyədə olmasında xüsusi rolu və əməyi var. Onun sözlərinə görə, müasir dünyada İslamın olduğu kimi təbliğ olunmasına ehtiyac yaranıb və bu məsələdə KİV xüsusi rol oynamalıdır. Hazırda İranda 160-a yaxın radio və televiziya qurumunun olduğunu vurğulayan qonaq onların 29 peyk vasitəsilə bütün dünyaya yayıldığını nəzərə çatdırıb.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
