“İctimai nəqliyyatda baş verən qəza halları bizi narahat etməyə bilməz. Bununla əlaqədar kifayət qədər sərt tədbirlər həyata keçirilir. Hər halda bunlar hamısı insan faktoru ilə bağlıdır”.
Simsar.az xəbər verir ki, bunu jurnalistlərə açıqlamasında nəqliyyat nazirinin müavini Musa Pənahov deyib.
O bildirib ki, bu sahədə aparılan işlərə baxmayaraq, lazımı nəticələr əldə edilməyib: “Ciddi tədbirlərin hazırlanması ilə əlaqədar işlər davam etdirilir. Gördüyümüz işlər cəryan edən hadisələrə rəğmən bu bizi qane etmir. Sərt tədbirlərin həyata keçirilməsi üçün Daxili İşlər Nazirliyi ilə birgə işləyirik. Mütəmadi görüşlərimiz keçirilir. Sürücülərin qayda-qanuna riayət etməsi və iş rejminə nəzarət edilməsi ilə bağlı əlavə tədbirlər hazırlanır”.
Hüseyn İbadlı