Ukraynada həlak olan Rusiya hərbçilərinin sayı 4500-ə çatıb.
Simsar.az-ın məlumatına görə, bunu rusiyalı hüquq müdafiəçisi Yelena Vasiliyeva deyib.
O bildirib ki, Rusiya Müdafiə Nazirliyi Ukraynada döyüşərək həlak olan rus əsgərlərinin ölmünü ailələrinə və ictimaiyyətə başqa adla təqdim edir: “Ölüm faktları sənədlərdə insult, xəsarət, infarkt, intihar kimi cəmiyyətə sırınır”.
Rusiyalı hüquq müdafiəçisi əsaslı materiallar toplamaq üçün Ukraynanın hərbi əməliyyatlar gedən bölgəsinə səfər edəcəyini də qeyd edib: “Məqsədim budur ki, Moskva kanalları tərəfindən cəmiyyətə təlqin olunan xəbərlərin yalan olduğunu Rusiyaya çatdırım”.
Onun sözlərinə görə, Putin hakimiyyəti təlim adı ilə hərbçiləri Ukraynaya – Donbassa döyüşə göndərir.