“Yaxın vaxtlarda Azərbaycanla İsveçrənin “Stadler Rail” şirkəti ilə birgə yük və sərnişin vaqonlarının əsaslı təmiri və istehsalını həyata keçirmək üçün zavodun təməli qoyulacaq”.
Simsar.az xəbər verir ki, bunu jurnalistlərə açıqlamasında “Azərbaycan Dəmir Yolları” QSC-nin sədri Arif Əsgərov deyib.
O bildirib ki, bununla bağlı artıq bütün hazırlıq işləri görülüb: “Müəssisənin tikintisinin 1 il altı ay müddətində başa çatdırılması nəzərdə tutulub”.
İlkin mərhələdə illik istehsal gücünün 50 sərnişin vaqonu olduğunu qeyd edən A. Əsgərov əlavə edib ki, bu zavodun tikintisində əsas məqsəd təkcə Azərbaycan dəmir yollarını təmir etmək deyil. Həmçinin, qonşu dövlətlər, xüsusilə İran, Orta Asiya ölkələrinə də zavodda istehsal olunan sərnişin vaqonlarının satışı planlaşdırılır.
Hüseyn İbadlı