Bu gün Dəmiryolçuların peşə bayramıdır.
Simsar.az -ın məlumatına “Azərbaycan Dəmir Yolları” Qapalı Səhmdar Cəmiyyətinin sədri Arif Əsgərov və cəmiyyətin işçiləri Fəxri Xiyabanda ümummilli lider Heydər Əliyevin və həyat yoldaşı, akademik Zərifə xanım Əliyevanın məzarını, həmçinin Şəhidlər Xiyabanını ziyarət ediblər.
A.Əsgərov junalistlərə açıqlmasında dəmiryolçu peşəsinin əhəmiyyətindən danışaraq, bu sahənin vacibliyindən bəhs edib.
Xatırladaq ki, peşə bayramı münasibətilə Azərbaycan Dövlət Dəmir Yolunda (ADDY) və qurumun digər bölmələrində tədbirlər keçiriləcək.
Qeyd edək ki, 13 oktyabr dəmir yolu işçilərinin peşə bayramı günü Azərbaycan prezidenti İlham Əliyevin sərəncamına əsasən 2005-ci ildən qeyd olunur.
Azərbaycanda ilk dəmir yolunun inşasına 1878-ci ildə başlanıb və 1880-cı ildə sonra rəsmi açılışı olub. Dünyada ilk dəfə neft bu yolla çən vaqonları ilə daşınıb. Hazırda ölkədə dəmir yollarının uzunluğu 2 944 km, istismar uzunluğu isə 2 122 km-dir. Dəmir yolu xəttinin 1 277,1 km-i (60%) elektrikləşdirilib.
Simsar.az