Elşad İskəndərov İslam Əməkdaşlıq Təşkilatı Gənclər Forumunun yeni sədri seçildi
Anadolu informasiya agentliyinin verdiyi xəbərlər əsasında Dialoq və Əməkdaşlıq Uğrunda İslam Konfransı Gənclər Forumunun (İKGF) hazırladığı və yayımladığı press relizdə bildirilir ki, bu gun İstanbulda, Cırağan sarayında keçirilən rəsmi mərasimdə İKGF-nin yeni rəhbərliyinə keçirilən seçkilərin nəticələri elan edilib.
Forumun II Baş Assambleyasında İslam Əməkdaşlıq Təşkilatının (İƏT) 45 üzv ölkəsini təmsil edən 60-dan artıq təşkilatın nümayəndə heyətlərinin iştirak etdiyi seçkilərin nəticələrinə görə Elşad İskəndərov yekdilliklə İƏT Gənclər Forumunun yeni sədri seçilib.
Bu gün isə İƏT Baş Katibi İyad əl Mədəni, Türkiyə Gənclər və İdman naziri Çağatay Kılıc, İƏT Parlament Assambleyası Baş Katibi Erol Kılıc, BMT-nin Sivilizasiyalararası Alyansının baş müşaviri Jan Kristof Bas, İstanbul valisi Vasip Şahin, TURGEF fondunun prezidenti Bilal Erdoğan və bir sıra digər beynəlxalq təşkilatlar, həmcinin İƏT olkələrinin rəsmi nümayəndə heyətlərinin iştirakı ilə keçirilən İƏT Gənclər Forumu Bas Assambleyasının təntənəli bağlanış mərasimində Elşad İskəndərovun beynəlxalq təşkilatın yeni rəhbəri vəzifəsinə seçilməsi rəsmən elan edilib.
Seçkilərin nəticələrinə görə sədrin müavinləri vəzifələrinə Türkiyə, Əlcəzair, İordaniya və İran nümayəndələri seçilmişlər. Eyni zamanda İKGF-nin ümumi sayı 9 nəfərdən ibarət, hər biri bir ölkəni təmsil etməklə, yeni İdarə Heyəti də seçilib.
Mərasimdə cıxış edən İslam Əməkdaşlıq Təşkilatı Baş Katibi İyad əl-Mədəni, Elşad İskəndərovun ötən müddətdə Forumun Baş Katibi kimi qurumun inkişafındakı rolunu yüksək qiymətləndirmiş, bundan sonrakı fəaliyyətində ona uğurlar arzulamışdır. Eyni zamanda, o, Forum tərəfindən qəbul olunan “10 il – 10 hədəf” adlı İstanbul Gənclik Bəyannaməsinin İƏT Xarici İşlər Nazirləri növbəti Şurasında İƏT-in gənclər siyasəti sahəsində proqram sənədi kimi qəbul ediləcəyini də bildirmişdir. Türkiyə Gənclər və İdman naziri Çağatay Kılıc isə öz çıxışdında rəhbərlik etdiyi nazirliyin Forumun istər Türkiyə, istərsə də beynəlxalq əməkdaşlıq sahəsində fəaliyyətinə dəstək göstərəciyini bildirib.
Sonda mərasimdə iştirak edən yusək səviyyəli qonaqlar tərəfindən xüsusi panoda hazırlanmış Bəyannamənin imzalanmasi həyata keçirilib.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
