Millət vəkili Q.Paşayeva “İstedadlı Əlillər” İB tərəfindən əlillərə göstərdiyi xüsusi diqqət və qayğıya görə mükafata layiq görülüb
“İstedadlı Əlillər” İB-nin nümayəndələri millət vəkili Qənirə Paşayeva ilə görüşüblər. Simsar.az xəbər verir ki, “İstedadlı Əlillər” İB-nin sədri Cavad Qasımov görüşdə bildirib ki, millət vəkili Q.Paşayeva əlillərə göstərdiyi xüsusi diqqət və qayğıya görə, əlilləri narahat edən məsələləri daim nəzarətdə saxlayaraq Milli Məclisdə təkliflərlə çıxış etməsinə, əlillərlə bağlı tədbirlərdə daima aktiv iştirak və dəstəyinə, bu istiqamətdə mütəmadi olaraq məlumatlandırıcı çıxış və yazılarına görə İB tərəfindən "Bizim dostumuz” mükafatına layiq görülüb.
Mükafata görə təşəkkürünü bildirən millət vəkili Qənirə Paşayeva əlillərin cəmiyyətimizin bərabərhüquqlu üzvü olduqlarını, onların problemlərinin və onları narahat edən məsələləri daim diqqətdə saxlamağı özü üçün bir borc olduğunu deyib.
Dövlətimizin daima əlillərə yüksək səviyyədə qayğı və diqqət göstərdiyini deyən Q.Paşayeva bir millət vəkili olaraq bundan sonra da fəaliyyətində əlilləri narahat edən məsələlərə daim diqqət və önəm verəcəyini və sözün həqiqi mənasında onların ən yaxın dostlarından biri olmağa bundan sonra daha da çox çalışacağını deyib. Millət vəkili bu cür təşkilatların fəaliyyətini yüksək dəyərləndirərək onalara uğurlar arzulayıb.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
