Litvanın Azərbaycandakı səfiri İqtisadiyyat və Sənaye Nazirliyində olub
Oktyabrın 10-da iqtisadiyyat və sənaye naziri Şahin Mustafayev Litvanın Azərbaycana yeni təyin olunmuş fövqəladə və səlahiyyətli səfiri Valdas Lastauskası qəbul edib.
Görüşdə nazir Şahin Mustafayev ölkəmizə səfir təyin olunması münasibətilə Valdas Lastauskası təbrik edib və Azərbaycandakı fəaliyyətində uğurlar arzulayıb. Vurğulanıb ki, Azərbaycan və Litva arasında əlaqələr müxtəlif sahələrdə inkişaf edir. Nazir Şahin Mustafayev mövcud hüquqi bazanın, Azərbaycan və Litva arasında ikitərəfli əməkdaşlıq üzrə Hökumətlərarası Komissiyanın fəaliyyətinin, keçirilən müxtəlif tədbirlərin iqtisadi sahədə əməkdaşlığın daha da inkişafı üçün əlverişli imkan yaratdığını qeyd edib.
Ölkələrimiz arasında mövcud iqtisadi əlaqələrin və əməkdaşlığın genişləndirilməsi perspektivlərinin müzakirə edildiyi görüşdə bu il Azərbaycan-Litva Hökumətlərarası Komissiyasının növbəti iclasının və biznes forumun Azərbaycan regionlarından birində keçiriləcəyi bildirilmiş, iqtisadi sahədə qarşılıqlı maraq doğuran bir sıra məsələlərə, o cümlədən əczaçılıq, İKT, kənd təsərrüfatı və s. sahələrdə əməkdaşlıq imkanlarına dair fikir mübadiləsi aparılıb.
Nazir Şahin Mustafayev görüşdə Azərbaycan iqtisadiyyatı, ölkəmizin qazandığı uğurlar barədə məlumat vermiş, Ermənistan-Azərbaycan, Dağlıq Qarabağ münaqişəsində ölkəmizin ədalətli mövqeyini səfirin diqqətinə çatdırıb.
Litva Respublikasının Azərbaycan Respublikasındakı səfiri Valdas Lastauskas səfir kimi ölkəmizə təyin olunmasından məmnunluğunu ifadə edib, iki ölkə arasında əməkdaşlığın daha da genişləndirilməsi üçün səy göstərəcəyini bildirib. Litva iqtisadiyyatı barədə məlumat verən cənab Lastauskas səhiyyə, texnologiyalar sahəsində ölkələrimiz arasında əlaqələrin inkişafı imkanlarına dair fikirlərini bölüşüb.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
